"ბრიტანეთი თვლის, რომ ქეით მიდლტონის ჯანმრთელობისა და "გაქრობის" შესახებ ჭორებს ჩინეთი, რუსეთი და ირანი ავრცელებენ" - რას წერს Telegraph?
ბრიტანეთის ხელისუფლება თვლის, რომ ქეით მიდლტონის ჯანმრთელობისა და "გაქრობის" შესახებ ჭორებს ჩინეთი, რუსეთი და ირანი ავრცელებენ. ამის შესახებ Daily Telegraph იუწყება.
- წყაროს ცნობით, მთავრობა შეშფოთებულია, რომ ბრიტანეთის „ოპონენტები“ მიზანმიმართულად ავრცელებენ შეთქმულების თეორიებს უელსის პრინცესას შესახებ, რათა "ქვეყანაში სიტუაციის დესტაბილიზაცია მოხდეს“.
მათ მიაჩნიათ, რომ სოციალურ ქსელებში გავრცელებულ ჭორებში შესაძლოა ჩართულები იყვნენ რუსეთი, ჩინეთი და ირანი. მსგავსი შეშფოთება გამოთქვეს იმ ადამიანებმა, რომლებიც მნიშვნელოვან თანამდებობებს იკავებენ ბრიტანეთის მთავრობაში.
შეგახსენებთ, რომ იანვარში მუცლის ღრუს ოპერაციის შემდეგ ქეით მიდლტონის არყოფნა საზოგადოების თვალში მრავალი ჭორის, სპეკულაციისა და შეთქმულების თეორიის წყაროდ იქცა. ორი თვის შემდეგ პრინცესამ გამოაქვეყნა ვიდეო მესიჯი, სადაც ამბობს, რომ მას კიბოს დიაგნოზი დაუსვეს.
ქეითის ვიდეოს გავრცელების შემდეგაც კი, რამაც საზოგადოებაში ემპათიის ტალღა გამოიწვია, შეთქმულების თეორიები ინტერნეტში ისევ გრძელდება, როგორც ვიდეოს ავთენტურობის, ასევე დიაგნოზის შესახებ. ზოგიერთი წყარო ქიმიოთერაპიის ეფექტურობას ეჭვქვეშ აყენებს, ზოგი კი ინგლისის მომავალი დედოფლის დიაგნოზს COVID-19-ით ვაქცინაციას უკავშირებს.
ნახეთ ასევე:
- "შენ მამაცი ხარ ისევე, როგორც მე და შენც იბრძოლებ ისე, როგორც მე ვიბრძოლე“ - მილას წერილი ქეით მიდლტონს, რომელიც თავის დროზე პატარა გოგონას ლეიკემიის დამარცხებაში დაეხმარა
- "უნდა ვაღიარო, სულელური პოსტი დავდე "ფოტოშოპის შეცდომებზე" - მსახიობი, რომელმაც ქეით მიდლტონს დედის დღეს გამოქვეყნებული ფოტოს გამო დასცინა, ბოდიშს იხდის