"სამხრეთ ოსეთის" რუსეთთან შეერთების საკითხი მოსკოვთან მჭიდრო კოორდინაციით განიხილება", - ამის შესახებ ოკუპირებული ცხინვალის ე.წ. პარლამენტის თავმჯდომარემ, ალან ალბოროვმა "რია ნოვოსტის“ განუცხადა.
ალბოროვის მტკიცებით, მოსკოვი და ცხინვალი კოორდინირებულ "საგარეო პოლიტიკას“ ახორციელებენ.
"როცა ჩვენ რუსეთთან ერთად მივალთ ამ აზრამდე [შეერთების შესახებ], ჩვენ ამას გავაკეთებთ“, - აღნიშნა მან.
შეგახსენებთ, 2023 წელს ოკუპირებული ცხინვალის ე.წ. პრეზიდენტმა, ალან გაგლოევმა იმედი გამოთქვა, რომ "რესპუბლიკა“ რუსეთს მალე შეუერთდება.